Շիրակի մարզպետի աշխատակազմ

 Շիրակի մարզպետ Տիգրան Պետրոսյանի գլխավորությամբ այսօր աշխատանքային հերթական խորհրդակցությունն է անցկացվել հանրակրթական դպրոցների տնօրենների մասնակցությամբ։ Խորհրդակցության ժամանակ անդրադարձ է կատարվել դպրոցներում ուսումնական գործընթացի նորմալ կազմակերպմանը, կազմակերպչական աշխատանքներին, ջերմային ռեժիմի պահպանմանն առնչվող հարցերին։
Ողջունելով խորհրդակցության մասնակիցներին՝ Շիրակի մարզպետ Տիգրան Պետրոսյանը կարևորել է դպրոցներում բարոյահոգեբանական նորմալ մթնոլորտի ապահովումը, քանզի այդ կերպ միայն հնարավոր կլինի ուսումնական գործընթացն առանց խնդիրների իրականացնել։
Խորհրդակցության ժամանակ քննարկվել են նաև համընդհանուր ներառական կրթության իրականացման շրջանակներում Շիրակի մարզի ՏՄԱԿ-ների հետ աշխատանքներին, հանրակրթական դպրոցների կայքէջերի թարմացմանն ու երթևեկող մանկավարժների և աշակերտների տրանսպորտային ծախսերին վերաբերող հարցեր։ Հանդիպման ավարտին «Հայաստանի պետական ֆիլհարմոնիայի» Գյումրու մասնաճյուղի տնօրեն Արթուր Դավթյանը տնօրեններին է ներկայացրել «Դպրոցական ֆիլհարմոնիա» դաս-համերգների կազմակերպման մասին, որին կարող են մասնակցել նաև հանրակրթական դպրոցները և անվճար ունկնդրել բարձրակարգ ազգագրական երաժշտություն։