Շիրակի մարզպետի աշխատակազմ

 Այսօր տեղի է ունեցել Շիրակի մարզային օպերատիվ շտաբի աշխատանքային հերթական նիստը։ Նիստի ընթացքում քննարկվել են կորոնավիրուսի դեմ պայքարի կանխարգելիչ միջոցառումների իրականացման ընթացքին վերաբերող հարցեր։ Մարզպետ Տիգրան Պետրոսյանը կարևորել է բոլոր շահագրգիռ կազմակերպությունների համագործակցված աշխատանքը և հորդորել պատասխանատուներին հստակորեն պահպանել և ապահովել արտակարգ դրություն հայտարարելու մասին կառավարության որոշման, ինչպես նաև դրա հիման վրա պարետի և իրավասու պետական մարմինների կողմից ընդունված որոշումների, իրավասու մարմինների կողմից տրված ցուցումների կատարումը։