Շիրակի մարզպետի աշխատակազմ

Սիրելի շրջանավարտներ
Ի սրտե շնորհավորում եմ բոլորիդ այս կարևոր օրվա` Վերջին դասի առթիվ: Այս տարի, ցավոք, Ձեզ համար տոնական միջոցառումներ և հանդիսություններ չանցկացվեցին, սակայն դա բնավ չի խամրեցնում օրվա կարևորությունն ու առանձնահատկությունը։
Դպրոցական գեղեցիկ և հիշարժան օրերը կմնան Ձեր հուշերում, նոր կյանքի ուղին Ձեզ համար կսկսեք գիտելիքներով և մարդկային բարձր արժանիքներով վերազինված՝ շնորհիվ Ձեր ուսուցիչների և մանկավարժների: Ես համոզված եմ՝ հաջողություններով ու հաղթանակներով կարդարացնեք ձեր ծնողների և ուսուցիչների ակնկալիքները:
Ձեր առաջադեմ մտածողությամբ, նորարար գաղափարներով, նպատակասլացությամբ և հոգատարությամբ Դուք կերտելու եք մեր վաղվա օրը, որն ավելի լավն է լինելու հենց ձեր շնորհիվ։
Ուզում եմ իմ խորին շնորհակալությունն հայտնել բոլոր մանկավարժներին, որոնք ջանք ու եռանդ չխնայեցին արտակարգ դրության պայմաններում հեռավար կրթության կազմակերպման համար, շարունակեցին պատվով և պատրաստակամությամբ կատարել իրենց առաքելությունը: Այսօր նաև Ձեր տոնն է սիրելի մանկավարժներ, կյանք եք ճանապարհում ևս մեկ սերունդ։ Ձեր անմնացորդ նվիրման շնորհիվ մեր վաղվա օրը հուսալի ձեռքերում է:
Սիրելի շրջանավարտներ, մաղթում եմ ձեզ քաջառողջություն, երջանիկ կյանք, կանաչ ճանապարհ և հաջողություններ բոլոր նախաձեռնություններում: Բարի երթ: