Շիրակի մարզպետի աշխատակազմ

Շուտով կմեկնարկեն Ախուրյան համայնքի Ախուրյան բնակավայրի թվով 6 ճանապարհահատվածների ասֆալտապատման աշխատանքները։ Համայնքների տնտեսական և սոցիալական ենթակառուցվածքների զարգացմանն ուղղված սուբվենցիայի հայտերի գնահատման միջգերատեսչական հանձնաժողովի կողմից հավանության է արժանացել սուբվենցիոն այս ծրագիրը, որի ընդհանուր արժեքը 136 մլն 382 հազար դրամ է։ Համայնքը կհատկացնի գումարի 45 տոկոսը՝ 61 մլն 371 հազարը, պետությունը՝ 55 տոկոսը՝ 75 մլն-ը։ Ընդհանուր առմամբ նախատեսվում է 10 հազար քառակուսի մետր մակերեսով ճանապարհի ասֆալտապատում։