Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

«Թովմասյան» բարեգործական հիմադրամը Գյումրու ինֆեկցիոն հիվանդանոցին տրամադրել է Ռոշ ֆիրմայի Cobas E 411 իմունոֆերմենտային ախտորոշիչ սարք և պացիենտ մոնիտոր

11.06.2020

 «Թովմասյան» բարեգործական հիմադրամը Գյումրու ինֆեկցիոն հիվանդանոցին տրամադրել է Ռոշ ֆիրմայի Cobas E 411 իմունոֆերմենտային ախտորոշիչ սարք և պացիենտ մոնիտոր։
Շիրակի մարզպետ Տիգրան Պետրոսյանն այսօր հյուրընկալել է հիմնադրամի ներկայացուցիչներին, ողջունել և շնորհակալություն հայտնել այսօրինակ օգտակար նախաձեռնության համար․ «Ես ուզում եմ շնորհակալություն հայտնել «Թովմասյան» հիմնադրամին համավարակի հետ պայքարում մեր մարզին աջակցելու համար։ Այս փուլում նման աջակցությունը շատ կարևոր է մեզ համար, քանզի Գյումրու ինֆեկցիոն հիվանդանոցի աշխատանքի արդյունավետության բարձրացման առումով այս ախտորոշիչ սարքավորումն իսկապես մեծ կարևորություն կունենա»։
Ախտորոշիչ սարքը հնարավորություն է տալիս իմունոլոգիական հետազոտություններ անցկացնել տարբեր վարակների, այդ թվում՝ կորոնավիրուսային վարակի նկատմամբ։
«Թովմասյան» բարեգործական հիմադրամի ղեկավար Արտակ Թովմասյանն էլ ընդգծել է, որ ամեն ինչ արվում է համավարակի դեմ պայքարում աջակցություն տրամադրելու համար և շնորհակալություն հայտնել Տիգրան Պետրոսյանին համագործակցության համար։
Հիմնադրամի ներկայացուցիչներն այցելել են Գյումրու ինֆեկցիոն հիվանդանոց, որտեղ արդեն մոնտաժվել է ախտորոշիչ սարքավորումը, առաջիկա օրերին այն կգործարկվի լիարժեքորեն։

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-07-10 23:05:25