Նորություններ
Շիրակի մարզպետ Տիգրան Պետրոսյանն այսօր մարզպետարանի աշխատակազմին է ներկայացրել նորանշանակ գլխավոր քարտուղար Արսեն Աբրահամյանին
17.06.2020
Մարզպետը նախ շնորհակալություն է հայտնել գլխավոր քարտուղարի պարտականություններն անցած ժամանակահատվածում իրականացրած Կարեն Բադիշյանին՝ պատասխանատու աշխատանքի համար, այնուհետև աշխատանքային հաջողություններ մաղթել Արսեն Աբրահամյանին․ «Ողջունում եմ ձեզ Շիրակի մարզպետարանում և լիահույս եմ, որ ձեզ հետ ևս մարզպետարանի աշխատակազմը կշարունակի պարտաճանաչ իրականացնել այն բոլոր գործառույթները, որոնք այժմ էլ իրականացնում է։ Միասնական և հոգատար աշխատանքով, վստահաբար, կշարունակենք մեր ընթացքը, թիմային ու համատեղ աշխատանքով է հնարավոր նոր արդյունքներ ու ձեռքբերումներ ունենալ»։
Արսեն Աբրահամյանը ողջունել է աշխատակազմին և վստահություն հայտնել, որ պատասխանատու ժամանակահատվածում համատեղ աշխատանքով, առավելագույն ջանքերի ներդրմամբ կգրանցեն հաջողություններ։