Շիրակի մարզպետի աշխատակազմ

 Համայնքների տնտեսական և սոցիալական ենթակառուցվածքների զարգացմանն ուղղված սուբվենցիայի հայտերի գնահատման միջգերատեսչական հանձնաժողովին Լեռնակերտ համայնքը 2020 թվականին ներկայացրել է երկու ծրագիր։ Առաջին ծրագրով այս տարի կմեկնարկեն համայնքի մշակույթի տան վերանորոգման աշխատանքները։ Դեռ նախորդ տարի փոխվել են շենքի բոլոր հին դռներն ու պատուհանները, հիմնովին վերանորոգվել է շենքի միջանցքի մի մասն ու 35մետր քառակուսի մակերեսով սենյակներից մեկը։

Համայնք-պետություն համագործակցության արդյունքում այս տարի կիրականացվեն ինչպես հանդիսությունների սրահի, այնպես էլ խոհանոցի, միջանցքի ու սանհանգույցների նորոգման աշխատանքները։ Ծրագրի ընդհանուր արժեքը 15 մլն 674 հազար դրամ է, գումարի 45 տոկոսը կհատակցնի պետությունը, մնացածը համայնքային ներդրումներով է իրականացվելու։