Նորություններ
Շիրակի մարզպետի տեղակալը հետևել է Գյումրիում և Ախուրյանում իրականացվող ճանապարհաշինարարական աշխատանքների ընթացքին
19.08.2020
Օգոստոսի 19-ին Շիրակի մարզպետի տեղակալ Վարդան Գրիգորյանը, ՀՀ տարածքային կառավարման և ենթակառուցվածքների նախարարության և մարզպետարանի պատասխանատու ստորաբաժանումների ներկայացուցիչների հետ հետևել է համայնքների 2020 թվականի տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրի շրջանակներում Գյումրիում և Ախուրյանում իրականացվող ճանապարհաշինարարական աշխատանքների ընթացքին: Ծրագրի 55 տոկոս ֆինանսաավորումը կկատարի պետությունը, 45 տոկոսը՝ համայնքները։ Բոլոր 10 փողոցներում աշխատանքների մեկնարկը տրված է։ Շինարարությունն իրականացնող կազմակերպությունների հետ քննարկվել է փողոցաշինությանը վերաբերվող հարցեր: Պատասխանատուների հավաստմամբ աշխատանքներն ընթանում են ժամանակացույցի համաձայն և բարենպաստ եղանակային պայմանների դեպքում կավարտվեն ըստ նախատեսվածի: