Նորություններ
«Մուլտերի տուն» մանկական թանգարան-սրճարան «Շիրակ մոլ» առևետրի և ժամանցի կենտրոնում
05.09.2020
Շիրակի մարզպետ Տիգրան Պետրոսյանը, ԱԺ պատգամավոր Սոֆյա Հովսեփյանը, Գյումրու քաղաքապետի տեղակալ Հայկ Սուլթանյանը, մարզպետարանի պատասխանատու աշխատակիցներ այցելեցին Գյումրու «Շիրակ մոլ» առևետրի և ժամանցի կենտրոն: Կենտրոնի տնօրինությունն իրականացնելով մի շարք բարեփոխումներ, կենտրոնի երկրորդ հարկում բացել են «Մուլտերի տուն» մանկական թանգարան-սրճարան, Շիրակի մարզում մինչ այժմ նախադեպը չունեցող մանկական ժամանցի վայր, հեքիաթների հերոսների դերակատարների անմիջական մասնակցությամբ: Երեխաների համար ստեղծվել են բոլոր պայմանները, այցելության ողջ ընթաքում լինել ու մնալ հեքիաթի աշխարհում: Հաճելի ու գրավիչ էր Կարմիր գլխակի խրճիթը, որտեղ անկողնում պառկած է տատիկը, իսկ դռան մոտ կարմիր գլխարկն ընդունում է հյուրերին: Երեխաներին զբաղեցնելու մտահղացումը բավական լավ է կյանքի կոչվել: Կենրոնի տնօրինությունը հավաստիացրեց, որ շարունակելու են նոր ծրագրերի իրականացումը: