Շիրակի մարզպետի աշխատակազմ

Շիրակի մարզպետ Տիգրան Պետրոսյանի գլխավորությամբ այսօր տեղի է ունեցել հանրակրթական դպրոցների տնօրենների խորհրդակցությունը։ Տիգրան Պետրոսյանը շնորհավորել է ներկաներին նոր ուսումնական տարվա մեկնարկի առթիվ և նշել. "Բոլորիս համար էլ այս ուսումնական տարին տարբերվող է և անելիքները շատ են, պատասխանատվությունն էլ՝ մեծ։ Սակայն մենք ընկրկելու տեղ չունենք, պետք է լինենք առավել զգոն և աշխատենք պահպանել համավարակի կանխարգելմանն ուղղված բոլոր կանոնները։ Մեր երեխաների կրթություն ստանալու իրավունքը պետք է լիրաժեք իրացվի: Այժմ ընթացքի մեջ է հանրակրթական դպրոցների շուրջ հինգ հազար աշխատակիցների թեստավորման գործընթացը, ի ուրախություն մեզ ունենք լավ ցուցանիշներ, մնում է աշխատենք զերծ մնալ բացթողումներից"։ Խորհրդակցության ընթացքում մարզպետարանի կրթության մշակույթի և սպորտի վարչության, ինչպես նաև ֆինանսական և սոցիալ-տնտեսագիտական զարգացման վարչության պետերը պատասխանել են տնօրեններին հետաքրքրող հարցերին, որոնք հիմնականում վերաբերել են նոր սահմանված կանոններին։