Նորություններ
Նախատեսվում է վերակառուցել Մարմաշեն համայնքի Հացիկ բնակավայրի մանկապարտեզի շենքը
01.12.2020
Համայնքների տնտեսական և սոցիալական ենթակառուցվածքների զարգացմանն ուղղված 2020 թվականի սուբվենցիոն ծրագրով նախատեսվում է վերակառուցել Մարմաշեն համայնքի Հացիկ բնակավայրի 60-70 երեխայի համար նախատեսված մանկապարտեզի շենքը։ Աշխատանքներն արդեն մեկնարկել են, դրանք իրականացնում է «Շինարար» ՍՊԸ-ն։ Ծրագրի արժեքը 34 մլն 451 հազար դրամ է։ Մանկապարտեզն ունենալու է խմբային սենյակներ, ննջասենյակներ, սանհանգույց, հանդերձարան, խոհանոց, լվացքատուն և պահոցներ, տնօրենի սենյակ, մարմնամարզության և խաղերի, երգի և պարի դահլիճներ։ Բնակավայրում կստեղծվի 12 հիմնական աշխատատեղ։