Շիրակի մարզպետի աշխատակազմ

Հարգարժա՛ն թատերական գործիչներ, թատերարվեստի երկրպագուներ, շնորհավորում եմ բոլորիդ Թատրոնի միջազգային օրվա առթիվ։
Հազարամյա պատմություն ունեցող հայ թատրոնը մեծ ներդրում է ունեցել մեր հոգևոր և մշակութային ժառանգության կերտման գործում։
Ձեր մասնագիտական բարձր պատրաստվածության և արհեստավարժության շնորհիվ կարողանում եք անտեսանելի դարձնել բեմական և իրական կյանքի սահմանագիծը։ Այսօր, առավել քան երբևէ, հանդիսատեսը կարիք ունի մեր հերոսական պատմության, մեր նորօրյա հերոսների մասին նոր ներկայացումների, որը կարող է մեր մորմոքվող սրտերին բալասան դառնալ։ Արվեստի ուժով է պետք բժշկել հայ մարդու հոգին, որը տառապանքի բովով է անցել, սակայն միշտ բարձր է գնահատել թատրոնի դերն ու նշանակությունը։ Հայ թատրոնի հնաբնակներց մեկը՝ Վ. Աճեմյանի անվան պետական դրամատիկականը թե՛ նախկինում, թե՛ այսօր մեր մշակութային ժառանգությունը հարստացնում է գեղարվեստական անգնահատելի արժեքներով: Գյումրու Ս. Ալիխանյանի անվան տիկնիկային թատրոնի ավանդը մշակութասեր սերունդ դաստիարակելու գործում մնում է անգնահատելի։
Հարգելինե՛րս, մաղթում եմ Ձեզ լեփ-լեցուն դահլիճներ և ստեղծագործական նոր եռանդ։
Թատրոնը եղել և մնում է մեր երևակայության ու երազանքների օրրանը։