Շիրակի մարզպետի աշխատակազմ

Ապրիլի 25-ին կայանալիք համապետական ծառատունկին ընդառաջ  Շիրակի մարզպետ Հովհաննես Հարությունյանը աշխատանքային խորհրդակցություն է անցկացրել մարզպետարանի ոլորտային պատասխանատուների մասնակցությամբ։ Կարևորելով «10 մլն ծառ» նախաձեռնությանը Շիրակի մարզի լիարժեք մասնակցությունը՝ Հովհաննես Հարությունյանը հորդորել է կազմակերպչական աշխատանքներում լինել աչալուրջ, հանձնարարել՝ պատշաճ կերպով յուրաքանչյուր ոլորտում անել հնարավորը ծառատունկը արդյունավետ իրականացնելու համար։ Քննարկվել են ծառատունկին բոլոր հանրույթների մասնակցությանը, ծառատունկի ենթակա տարածքների գույքագրմանը, մարդկային և տեխնիկական ռեսուրսի հավասարաչափ բաշխմանը, տնկված ծառերի հետագա խնամքին վերաբերող հարցեր։

Ծառատունկին Շիրակի մարզին կտրամադրվի 10 հազար տնկի։
Հասարակական կազմակերպությունները և քաղաքացիական նախաձեռնությունները, ովքեր ցանկություն ունեն մասնակցելու համապետական ծառատունկին Շիրակի մարզում կարող են դիմել մարզպետարանի գյուղատնտեսության և բնապահպանության վարչություն