Շիրակի մարզպետի աշխատակազմ

Սիրելի՛ հայրենակիցներ

Մեր պատմության ամենածանր էջի՝ Հայոց Ցեղասպանության 106-րդ տարելիցն է։
Հայ ազգը միլիոնավոր անմեղ զոհերից զատ, կորցրեց պատմական հայրենիքի մի մասը։ Օսմանյան Թուրքիայի կողմից իրագործված հակամարդկային ոճրագործությունից մեկ դարից ավել անց էլ բոլորիս գլխավոր ձգտումը պետք է լինի Հայոց Ցեղասպանության միջազգային ճանաչումը, որպեսզի ողջ աշխարհում կանխվի ոճրագործությունն ու բռնությունը։ Մենք երախտապարտ ենք այն ժողովուրդներին, պետություններին և անհատներին, ովքեր դատապարտել են ոճրագործությունը:
Տարիներն անցնում են՝ կերտելով պատմություն, 2020 թվականի 44-օրյա պատերազմը ևս մեկ անգամ հայի հանդեպ հայատյաց վերաբերմունքն ի ցույց դրեց։ Հենց դա էլ մեզ պետք է առավել մեծ վճռականության տանի, քանզի հայի գոյապայքարը շարունակվում է մինչ օրս։
Սիրելի՛ հայրենակիցներ, խոնարհվելով անմեղ զոհերի հիշատակի առջև` մեր ժողովրդին ցանկանում եմ անկոտրում ոգի, միասնականություն և հավատ ապագայի հանդեպ: