Շիրակի մարզպետի աշխատակազմ

 Այսօր Գյումրու տեխնոլոգիական կենտրոնում տեղի է ունեցել  ՀՀ Շիրակի մարզպետարանի և Հայաստանի Ամերիկյան Համալսարանի շարունակական կրթության բաժնի հետ համատեղ իրականացվող «Top hotels 2021» խորագրով ծրագրի շնորհանդեսը, որին ներկա են գտնվել ՀՀ Շիրակի մարզպետարանի Զարգացման ծրագրերի և զբոսաշրջության բաժնի պետ Կարեն Բադիշյանը, «Top hotels 2021» ծրագրի համակարգող Վարանդ Թօփալեանը, Շիրակի մարզի հյուրանոցային, հյուրատնային և զբոսաշրջային կազմակերպությունների ներկայացուցիչները։ Ծրագրի իրականացման արդյունքում միջազգային որակավորում ունեցող մասնագետների կողմից հյուրանոցներին տրամադրվելու է խորհրդատվություն՝ ծառայությունների որակը բարձրացնելու նպատակով, ինչն էլ կնպաստի մարզում զբոսաշրջության զարգացմանը։