Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գետքի միջնակարգ դպրոցում տեղադրվել է 30 կվտ հզորությամբ արևային էլեկտրակայան
16.06.2021
Գետքի միջնակարգ դպրոցում տեղադրվել է 30 կվտ հզորությամբ արևային էլեկտրակայան՝ «Զարգացող երկրներում կլիմայի փոփոխության մեղմման և կլիմայի փոփոխության ադապտացման համար լուծումների և տեխնոլոգիաների ներդրում՝ փոխանցելով լիտվական փորձը» ծրագրի շրջանակներում։ Արևային կայանի տեղդադրումն իրականացրել է տեղական գործընկեր «ԴԻ ՕՀՄ էՆԵՐՋԻ» ընկերությունը։
Այսօր տեղի է ունեցել ծրագրի բացման արարողությունը, որին մասնակցել են Հայաստանում Լիտվայի արտակարգ և լիազոր դեսպան Ինգա Ստանիտե-Տոլոչկիենեն, շրջակա միջավայրի նախարարի տեղակալ Աննա Մազմանյանը, Շիրակի մարզպետարանի կրթության, մշակույթի և սպորտի վարչության պետ Հրայր Կարապետյանը, Solet Technics ընկերության ներկայացուցիչները, այլ հյուրեր։
Արևային էլեկտրակայանը թույլ կտա դպրոցին հոգալ էլեկտրաէներգիայի սեփական կարիքները։ Ծրագիրը ֆինանսավորվել է Լիտվայի Հանրապետության շրջակա միջավայրի նախարարությանը կից գործող բնապահպանական նախագծերի կառավարման գործակալության կողմից:
