Շիրակի մարզպետի աշխատակազմ

 Շիրակի մարզի արտակարգ իրավիճակների հանձնաժողովի նախագահ, Շիրակի մարզպետ Հովհաննես Հարությունյանի որոշման համաձայն այսօր Շիրակի մարզպետարանում անցկացվել է «Բնակչության պաշտպանության միջոցառումների կազմակերպումը սելավի դեպքում» թեմայով հրամանատարաշտաբային ուսումնավարժություն, որին մասնակցել են արտակարգ իրավիճակներում պատասխանատու բոլոր կառույցների պատասխանատուները։ ՀՀ ԱԻՆ փրկարար ծառայության Շիրակի մարզային փրկարարական վարչության պատասխանատուները ներկայացրել են ուսումնավարժության պլանն ու դրանով նախատեսված հետագա գործողությունների ու միջոցառումների ընթացքը։ Մարզպետի տեղակալ Դավիթ Սեխլեյանը հետևել է ուսումնավարժության նախապատրաստման և անցկացման աշխատանքներին։