Նորություններ
9-րդ դասարանցիները հայոց լեզու առարկայից միասնական քննություն են հանձնել
30.06.2021
Հանրակրթական ուսումնական հաստատություններում սովորող 9-րդ դասարանցիները հայոց լեզու առարկայից այսօր միասնական քննություն են հանձնել: Շիրակի մարզում 9-րդ դասարանցի 2526 աշակերտ է քննություն հանձնել։
Քննական գործընթացին հետևել է Շիրակի մարզպետարանի կրթության, մշակույթի, սպորտի վարչության պետ Հրայր Կարապետյանը՝ գնահատման և թեստավորման կենտրոնի պատասխանատուների հետ։ Շիրակի մարզում բացվել է քննական 18 կենտրոն, որից 11-ը Գյումրիում։
Հիմնական դպրոցի ավարտական քննությունների շարքում հայոց լեզվի քննությունը միակն է, որն անցկացվում է կենտրոնացված կարգով՝ միասնական քննությունների սկզբունքով: