Նորություններ
Շիրակի մարզի 7 գյուղական բնակավայրերում 25 բնակելիների շինարարական աշխատանքները մոտենում են ավարտին
02.07.2021
Գյուղական բնակավայրերում երկրաշարժից անօթևան մնացած ընտանիքների բնակարանային ապահովման ծրագրի շրջանակներում Շիրակի մարզի 7 գյուղական բնակավայրերում մեկնարկած 25 բնակելիների շինարարական աշխատանքները մոտենում են ավարտին։ 5 բնակելիների շինաշխատանքներն արդեն իսկ ավարտված են։ Աշխատանքներն իրականացվում են ծրագրի շահառու ընտանիքների ներգրավմամբ և «Ֆուլեր տնաշինական կենտրոն» բարեգործական հասարակական կազմակերպության աջակցությամբ:
Ախուրյան համայնքի Բասեն բնակավայրում բնակարանային պայմանների բարելավման իրավունք է ստացել 5 ընտանիք: Ծրագրի շահառու Գարեգին Մարտիկյանի ընտանիքն արդեն իսկ ավարտել է բնակելի տան շինարարական աշխատանքները և նշել բնակարանամուտ: Մյուս 4 շահառուների բնակելիների շինաշխատանքներն ավարտական փուլում են: