Շիրակի մարզպետի աշխատակազմ

Հայաստանի ազգային պոլիտեխնիկական համալսարանի Գյումրու մասնաճյուղում այսօր բացվել է «Մարտական խաչ» առաջին աստիճանի շքանշանի ասպետ Աշոտ Էդուարդի Պետրոսյանի անունը կրող լսարան։ Հերոս հայորդին այսօր կդառնար 24 տարեկան։
«Մենք ամեն օր վիշտը սրտերումս ենք ապրում, բայց միևնույն ժամանակ հպարտությամբ, քանզի մի սերնդի ժամանակակից ենք, որ ամենաթանկը՝ կյանքը, չխնայեց հանուն հայրենիքի։ Ես խոնարհվում եմ նրանց հիշատակի և նրանց ծնողների առջև, ձեզ համբերություն եմ մաղթում, իսկ մենք մեր ամենօրյա տքնաջան աշխատանքով պետք է արժանի լինենք մեր հերոսների զոհաբերությանը»,- նշել է Շիրակի մարզպետ Հովհաննես Հարությունյանը։
Ջրականում մարտնչած և Հադրութում անմահացած Աշոտ Պետրոսյանին հայրենիքը պաշտպանելիս ցուցաբերած բացառիկ քաջության և արիության համար սերժանտ Աշոտ Էդվարդի Պետրոսյանը հետմահու պարգևատրվել է «Մարտական Խաչ» 1-ին աստիճանի շքանշանով։