Շիրակի մարզպետի աշխատակազմ

Հարգելի ԱԻՆ աշխատակիցներ, շնորհավորում եմ Ձեզ մասնագիտական տոնի՝ Փրկարարի օրվա առթիվ:
Արտակարգ իրավիճակների աշխատող լինելը կոչում է, որը դուք կրում եք արժանապատվորեն և բարձր գիտակցությամբ՝ ցանկացած պահի պատրաստ լինելով անձնական զոհողության գնով պաշտպանել մեր բնակչությանն արտակարգ իրավիճակներում՝ կանխելով շատ ու շատ վտանգներ:
Փրկարարի մասնագիտությունն իր մեջ ամբարում է բարություն, հոգատարություն, պատրաստակամություն, պատասխանատվության բարձր զգացում, արագ արձագանքելու կարողություն և որ ամենակարևորն է՝ մարդասիրություն։ Այդ ամենի վկան ենք դառնում ցանկացած պատահարի ժամանակ` ականատես լինելով Ձեր հերոսական ու անձնուրաց աշխատանքին։
Եվս մեկ անգամ շնորհավորելով Փրկարարի օրվա առթիվ՝ ցանկանում եմ բոլորիդ քաջառողջություն, մասնագիտական բարձր պատրաստվածություն և անվտանգ ծառայություն։