Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Բացվել է Բեն Պողոսյանի պատկերասրահը և հեղինակի «Վերադարձ» անհատական ցուցահանդեսը
18.09.2021
ԱԺ նախագահ Ալեն Սիմոնյանն ու Շիրակի մարզպետ Հովհաննես Հարությունյանն այսօր ներկա են գտնվել 44-օրյա պատերազմի մասնակից Բեն Պողոսյանի պատկերասրահի և հեղինակի «Վերադարձ» անհատական ցուցահանդեսի բացման արարողությանը:
Ծնունդով գյումրեցի նկարիչ-քանդակագործը կռվել է Թալիշում, վիրավորվել, բայց մահն աչքով տեսնելով անգամ, մնացել է լավատես և ցուցահանդեսում ներկայացրած աշխատանքներում կյանքը ներկայացրել է նոր գույներով ու իմաստով։ Արվեստը Բենի համար անցածը արժևորելու, կյանքի իմաստը վերագտնելու միջոց է դարձել։
ԱԺ նախագահն ու Շիրակի մարզպետը ծանոթացել են հեղինակի աշխատանքներին, զրուցել նրա հետ, մաղթել ստեղծագործական նոր հաջողություններ։
Նշենք, որ ցուցասրահը հիմնանորոգվել է «Հայկական Կարիտաս» բարեսիրական հասարակական կազմակերպության կողմից: Շուրջ 4 մլն դրամի շրջանակներում տեղադրվել են պատուհանները, կատարվել են ներքին հարդարման աշխատանքներ:
