Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Տրվել է «Բարեկամության զբոսայգու» շինարարական աշխատանքների պաշտոնական մեկնարկը
14.10.2021
Այսօր տրվել է «Բարեկամության զբոսայգու» շինարարական աշխատանքների պաշտոնական մեկնարկը։ Ողջույնի խոսքով հանդես են եկել ՀՀ Տարածքային կառավարման և ենթակառուցվածքների նախարար Գնել Սանոսյանը, ՀՀ Էկոնոմիկայի նախարար Վահան Քերոբյանը, ՀՀ Շիրակի մարզպետ Հովհաննես Հարությունյանը, «Քաղաքաշինության և զբոսաշրջության» (ТUF) բարեգործական հիմնադրամի համահիմնադիր Ռուբեն Վարդանյանը, Գյումրի համայնքի ղեկավարի պաշտոնակատար Ալբերտ Մարգարյանը։
Գյումրին ունենալու է բնույթով եզակի այգի: Սմարթ լուծումներ առաջարկող այգու ծրագիրն իրականացվում է IDeA հիմնադրամի կողմից: Ծրագրի պատվիրատուն Հայաստանի տարածքային զարգացման հիմնադրամն է, շինաշխատանքներն իրականացնելու է «Մերձմոսկովյան» ԲԲԸ-ն։ Այգին զբաղեցնում է 7 հեկտարից ավելի տարածք: Տեղակայված է քաղաքի հյուսիսային հատվածում: Վերականգնված այգին կդառնա առաջին ժամանակակից կանաչ տարածքը տեղի բնակիչների և զբոսաշրջիկների համար:
