Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

ՀՀ ՇԻՐԱԿԻ ՄԱՐԶՊԵՏ ՆԱԶԵԼԻ ԲԱՂԴԱՍԱՐՅԱՆԻ ՈՒՂԵՐՁԸ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ ՕՐՎԱ ԱՌԹԻՎ

10.11.2021

Համայնքների հարգելի ղեկավարներ, տեղական ինքնակառավարման մարմինների սիրելի ներկայացուցիչներ, շնորհավորում եմ բոլորիդ տեղական ինքնակառավարման մարմինների օրվա առթիվ։ 25-ամյա պատմություն ունեցող ու բավական ճանապարհ անցած այս համակարգը մեծ դեր ունի անկախության ու ժողովրդավարության ուղի բռնած մեր երկրի համար։ Այժմ հետադարձ հայացք գցելով անցած երկուսուկես տասնամյակին և գնահատելով տեղական ինքնակառավարման մարմինների ուժեղ ու թույլ կողմերը, համայնքների աշխատանքն ու հաջողությունները, վերջին մի քանի տարիներին պետություն- համայնք համագործակցության սերտացումը՝ տեսանելի է դառնում, որ ձեռքբերումներ կան, սակայն անելիքներն էլ քիչ չեն։ Հենց այս նկատառումով և մեր համայնքներն առավել կայացած ու հզոր տեսնելու համար են առաջիկայում Շիրակի մարզում տեղի ունենալու տեղական ինքնակառավարման մարմինների ընտրություններ։ Համայնքների դերի բարձրացումն ու դրանց կայացումը կարևորելով՝ պետք է մեր քաղաքացիներն առաջիկայում մասնակցեն ընտրություններին՝ վստահ լինելով, որ իրենց ձայնն ու որոշումն է ամենից կարևորը։
Կրկին շնորհավորելով մարզի համայնքապետերին, ավագանու անդամներին, համայնքային ծառայողներին՝ ցանկանում եմ աշխատանքային նոր ձեռքբերումներ, խնդիրներն ու մարտահրավերները հաղթահարելու վճռականություն։ 

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2022-01-24 16:17:40