Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

ՇԻՐԱԿԻ ՄԱՐԶՊԵՏԻ ՈՒՂԵՐՁԸ ԿԱՆԱՆՑ ՄԻՋԱԳԱՅԻՆ ՕՐՎԱ ԱՌԹԻՎ

08.03.2022

Սիրելի՛ կանայք, ի սրտե շնորհավորում եմ Ձեզ մարտի 8-ի` Կանանց տոնի առթիվ:
Դեռևս նախորդ դարասկզբին ակտիվ գործունեություն ծավալած հայ քաղաքական գործիչ, դիվանագետ Դիանա Աբգարի օրինակով առաջնորդվելով, այսօր առավել քան երբևէ պետք է կարևորենք հայ կնոջ դերը հայոց պետականության կայացման, հայապահպանության, քաղաքական ու հասարակական կյանքում։
Սիրելի՛ կանայք, աշխատելով ամենատարբեր ոլորտներում, մենք մշտապես ցուցաբերում ենք հաստատակամություն, տոկունություն և խնդիրներին արդյունավետ լուծումներ գտնելու կարողություն։
Պետք է արձանագրել, որ Հայաստանի Հանրապետությունը՝ վավերացնելով ՄԱԿ-ի «Կանանց նկատմամբ խտրականության բոլոր ձևերի մասին» կոնվենցիան, ստանձնել է կանանց նկատմամբ խտրականության ցանկացած դրսևորման բացառման, ազգային օրենսդրությամբ տղամարդկանց և կանանց իրավահավասարության սկզբունքի ամրագրման և երաշխավորման պարտավորությունները։
Մեր երկրում կանանց դերի բարձրացման, հավասար իրավունքների և հնարավորությունների հաստատաման գործում վերջին տարիները ձեռքբերումների ժամանակաշրջան էր, իհարկե, անելիքներ դեռ կան, բայց մեծ ճանապարհի կարևորագույն քայլերն արդեն արված են։ Նպատակը մեկն է, որ բոլոր կանայք իրենց ստեղծարարար կարողությունները, գիտելիքները լիարժեք իրացնելու հնարավորություն ունենան, լինեն առավելագույնս պաշտպանված ու գնահատված:
Վստահ եմ՝ հատկապես գյուղական բնակավայրերում մենք մեծ ներուժ և հնարավորություն ունենք, այս հարցում ինքս կլինեմ հետևողական, որ մեր երկրից ու, հատկապես, մեր մարզից առավել շատ կանայք ներգրավվեն հասարակական, քաղաքական կյանք՝ հաղթահարելով ցանակցած խոչընդոտ։
Եվս մեկ անգամ շնորհավորում եմ Ձեզ, սիրելի՛ մայրեր, կանայք և աղջիկներ, խոնարհումս հերոսածին մայրերի առջև, որ կարողացել են քաջարի ու հայրենասեր սերունդ դաստիարակել, խոնարհումս այն մայրերին, որոնք 44-օրյա պատերազմի թողած անդառնալի կորուստներից հետո իրենց մեջ նորից մայրանալու ուժ գտան։ Մաղթում եմ բոլորիդ քաջառողջություն, անսահման սեր, ընտանեկան ջերմություն ու խաղաղություն։ 

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-04-25 10:05:31