Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Շիրակի մարզում ընթացքի մեջ են սելավատարների մաքրման աշխատանքները
05.05.2022
Գարնանային հնարավոր վարարումների և սելավների ռիսկերից մարզի բնակավայրերը, տնտեսական արժեք ներկայացնող տարածքները, գյուղատնտեսական հողատեսքերն ու բնակչության գույքը պաշտպանելու նպատակով անհրաժեշտ կանխարգելիչ միջոցառումները Շիրակի մարզում ընթացքի մեջ են։ Շիրակի մարզպետի կողմից հաստատված՝ «Հայաստանի Հանրապետության Շիրակի մարզում 2022 թվականի գարնանային հնարավոր հեղեղումների կանխարգելման, հետևանքների նվազեցման և վերացման միջոցառումների» ծրագրով նախատեսված գործողությունների շրջանակում, աշխատանքներ են իրականացվել մարզի 4 համայնքի 5 բնակավայրում:
Նշված աշխատանքների պատշաճ իրականացումն ապահովելու նպատակով՝ տեղերում պարբերական մոնիթորինգ են իրականացնում մարզպետարանի տեղական ինքնակառավարման և հանրապետական գործադիր մարմինների հարցերով վարչության աշխատակիցները:
