Շիրակի մարզպետի աշխատակազմ

Մարզային ու քաղաքային իշխանության ներկայացուցիչներն այսօր այցելել են Գյումրու մի շարք երաժշտական, մասնավորապես, Տիգրանյանի անվան թիվ 1, Շերամի անվան թիվ 5 և Շիշյանի անվան թիվ 6 երաժշտական դպրոցներ, որտեղ շրջել ու ծանոթացել են աշխատանքներին՝ առանձնապես կարևորելով ազգային նվագարանների հանրայնացումն ու ազգային, լարային, փողային նվագարանների՝ պետական ֆինանսավորմամբ իրականացվող ծրագրի շրջանակներում ուսուցման իրականացումը։
Երեք դպրոցներում ազգային, փողային և լարային նվագարանների գծով՝ կառավարության կողմից հատկացված միջոցների շրջանակում, ուսուցում է ստանում 81 աշակերտ, ընդհանուր առմամբ, Գյումրու վեց դպրոցներում պետական բյուջեից հատկացված շուրջ 29,5 մլն գումարի շրջանակներում ազգային, փողային և լարային նվագարանների գծով դասավանդվում է 135 աշակերտ։ Նրանց գերակշիռ մասն ազգային նվագարանների բաժիններում են սովորում՝ ուդ, քամանչա, դուդուկ, քանոն, թառ, սանթուր և այլն։ Լարային նվագարանների մեջ երեխաները նախընտրում են ջութակ, թավջութակ, փողային նվագարաններից՝ շեփոր, գալարափող։