Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Շիրակի պատվիրակությունը Ֆրանսիայի Լիոն քաղաքում մասնակցում է հայ-ֆրանսիական ապակենտրոնացված համագործակցության չորրորդ համաժողովին

29.06.2022

 Ֆրանսիայի Լիոն քաղաքում ընթանում է հայ-ֆրանսիական ապակենտրոնացված համագործակցության չորրորդ համաժողովը։ Նոր Ռոնի եւ Լիոնի Մետրոպոլի սենատոր Պրն. Ժիլբեր Լյուկ Դըվինազը, ով Սենատում Ֆրանսիա-Հայաստան բարեկամության խմբի նախագահն է, մոդերացրել է «Տարածքային բարեփոխումներ, մարտահրավերներ և հիմնախնդիրներ» թեմայով կլոր սեղանը, որին հաջորդելու են քննարկումներ երեք` «Զբոսաշրջություն», «Խելացի քաղաքներ», «Գյուղատնտեսություն» աշխատախմբերում: Նախատեսվում են նաև երկկողմ հանդիպումներ։
Վարչապետ Նիկոլ Փաշինյանի որոշմամբ կառավարության պատվիրակության կազմում է նաև Շիրակի մարզպետ Նազելի Բաղդասարյանը։ Հայաստանի համայնքների միության և Ֆրանսիայի միավորված քաղաքներ ասոցիացիայի (Cités Unies France) համագործակցությամբ կազմակերպված այս միջոցառումն իրականացվում է ՀՀ Արտաքին գործերի նախարարության, ՀՀ Տարածքային կառավարման և
ենթակառուցվածքների նախարարության, Ֆրանսիայի Եվրոպայի և արտաքին գործերի նախարարության, Ֆրանսիայում Հայաստանի դեսպանության և Հայաստանում Ֆրանսիայի դեսպանության համագործակցությամբ, որը հերթական անգամ համախմբել է ավելի քան 300 մասնակցի:
Հայ-ֆրանսիական ապակենտրոնացված համագործակցության առաջին համաժողովը տեղի է ունեցել 2006 թ. Փարիզում` համախմբելով գրեթե 30 համայնքներ ներկայացնող 200 մասնակցի, ովքեր կենտրոնացան չորս թեմաների վրա` տեղական կառավարում և կադրերի պատրաստում, տնտեսական զարգացում, զբոսաշրջություն և գյուղական զարգացում: Երկրորդ համաժողովն անցկացվել է 2010 թ. Երևանում, իսկ երրորդը` 2013 թվականին Ֆրանսիայի Վալանս քաղաքում:
Շիրակի մարզի պատվիրակության կազմում ընդգրկված են ներկայացուցիչներ մարզի այն համայնքներից, որոնք քույր քաղաքներ ունեն Ֆրանսիայի հետ։

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2022-12-04 18:50:53