Շիրակի մարզպետի աշխատակազմ

Հաստատված կարգի համաձայն Շիրակի մարզպետի տեղակալներ Կարեն Մանուկյանի և Ալբերտ Այվազյանի մոտ տեղի են ունեցել քաղաքացիների հերթական ընդունելությունները, որոնց մասնակցել են մարզպետարանի ոլորտային պատասխանատուները։ Քաղաքացիների կողմից հնչեցված հարցերն առնչվել են բնակարանային խնդիրներին, սոցիալական աջակցության տրամադրմանը, կրթության ոլորտին։ Մարզպետի տեղակալները բարձրացված հարցերին տվել են պարզաբանումներ, իսկ ուսումնասիրության կարիք ունեցող հարցերը լրացուցիչ կքննարկվեն՝ քաղաքացիներին հնարավորությունների սահմաններում աջակցելու նպատակով։