Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

2023-ից կմեկնարկի գյուղատնտեսական նշանակության հողերի միավորման աջակցության ծրագիրը

04.08.2022

Կառավարությունն այսօրվա նիստով հավանություն է տվել գյուղատնտեսական նշանակության հողերի միավորման (կոնսոլիդացիայի) աջակցության 2023-2025 թվականների ծրագրին, որի իրականացումը պայմանավորված է հողերի մասնատվածության մակարդակի կրճատման, արտադրողականության բարձրացման, բերրիության պահպանման ու բարձրացման, ներդրումների ներգրավման անհրաժեշտությամբ։
Ծրագրի իրականացման նպատակն է փոքր չափերով և մասնատված գյուղատնտեսական նշանակության հողատարածքների միավորման ու խոշորացման միջոցով՝
✅խթանել գյուղատնտեսության ոլորտում արտադրողականության բարձրացմանը և նպաստել գյուղատնտեսական արտադրանքի ինքնարժեքի իջեցմանը
✅խթանել գյուղատնտեսության ոլորտումնոր աշխատատեղերի ստեղծմանը
✅խթանել հողերի նպատակային օգտագործմանը և արդյունավետ կառավարմանը
✅նպաստել գյուղատնտեսության ոլորտում ներդրումների ծավալների ավելացմանը։
Շահառուներին տրամադրվելու է պետական աջակցություն շահառուի կողմից իրականացված աշխատանքների համար փաստացի կատարված ծախսերի փոխհատուցման տեսքով, բայց ոչ ավել, քան յուրաքանչյուր աշխատանքի համար նախատեսված արժեքի 50%-ի չափով՝ համաձայն ծրագրի պահանջների:
Ծրագրով սահմանված չափերով պետական աջակցություն ստանալու համար միավորված հողամասի հանրագումարային մակերեսը պետք է կազմի առնվազն 30 հա, ընդ որում աջակցությունը տրամադրվում է ոչ ավելի, քան 200 հա (ներառյալ) միավորված հողամասում կատարված աշխատանքների դիմաց։ 

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2023-01-31 16:39:45