Շիրակի մարզպետի աշխատակազմ

 ՀՀ Շիրակի մարզպետ. «Հարգարժան հյուրեր, ողջունում ու շնորհավորում եմ մեզ բոլորիս մեր փառապանծ քաղաքի տոնի առթիվ։ Յուրաքանչյուր անգամ, երբ տեսնում եմ, որ իմ հոգու քաղաքը ցնծության մեջ է` բերկրանք եմ զգում, որովհետև երկրաշարժից հետո թվում էր, թե Գյումրին խոնարհվել է, բայց Գյումրին ապրում է, գյումրեցու երակներում պատվախնդրության արյուն է և դա է մեզ ստիպում ավելի բարձր պահել մեր գլուխը։ Մեր հետևողական աշխատանքի և ջանքերի շնորհիվ Գյումրին ոտքի ենք կանգնեցրել, Գյումրին վեր է հառնել և ապրում է իր բանականոն կյանքով, Գյումրին լեցուն է հյուրերով, գյումրեցին ժպտում է և յուաքանչյուր օր ու ժամ մենք ավելի ենք հավատում, որ մեր քաղաքի լուսավոր օրերը դեռ առջևում են։ Առանձնակի հպարտությամբ պետք է նշեմ, որ հետհեղափոխական Գյումրին հիմա փոխվել է, կառավարությունն իր ձեռքը և հայացքն ուղղել է դեպի հայրաքաղաք և, հատկապես, վերջին տարիներին մեծածավալ աշխատանքներ են են ընթանում քաղաքում։ Ընթացիկ տարում կառավարության և համայնքի համատեղ ջանքերով Գյումրիում իրականացվելու է 3 մլրդ 400 մլն դրամի ծրագիր, ավելին, կապիտալ շինարարության առումով Գյումրիում 2022 թվականին նախատեսված է 7 մլրդ դրամի ծրագիր, հանրագումարում` ավելի քան 10 մլրդ դրամի ծրագիր մեր սիրելի քաղաքին։
Վստահ եմ, որ 2023-ին հնարավորություն ունենք այս թվերը մեծացնելու։ Քաղաքը շնչում է, քաղաքը զարգանում է, այսօր զբոսաշրջության կենտրոն է նաև մեծ տնտեսական պոտենցիալ ունի և սրան են միտված բազմաթիվ ծրագրերը։
Հարգելի՜ գյումրեցիներ, հավատացած եղեք, որ մեր քաղաքը պարզճակատ նայելու է աշխարհին։ Ես վստահ եմ, որ Գյումրու յուաքանչյուր քաղաքացի հավատում է, որ մեր քաղաքի ներուժը, մեր քաղաքի ֆենոմենը դեռ բացահայտված չէ և այստեղ է պետք համատեղենք մեր ջանքերը։ Ես, որպես Շիրակի մարզպետ, վերահաստատում եմ իմ պատրավորությունը՝ ջանք ու եռանդ չխնայել հայրենի քաղաքի շենացման համար։ Կրկին արձանագրում և ընդգծում եմ, որ Գյումրիում ապագա կա և այն կերտելու ենք միասին։
Շնորհավո՜ր տոնդ, Գյումրի»։