Շիրակի մարզպետի աշխատակազմ

 Շիրակի մարզպետի տեղակալ Ալբերտ Այվազյանն այսօր ներկա է գտնվել Գերմանիայի միջազգային համագործակցության ընկերության (GIZ) և ՀՀ Էկոնոﬕկայի նախարարության աջակցությամբ իրականացվող «Անասնակերի արտադրության և արոտների բարելավում՝ որպես ՔՈՎԻԴ-19 հետևանքների ﬔղմման ﬕջոցառում» ծրագրի արդյունքների ներկայացմանը և առաջարկությունների քննարկմանը։ 2021 թվականին մեկնարկած «Շեն» բարեգործական հասարակական կազմակերպության կողմից իրականացվող ծրագիրն առաջարկում է արոտների և վարելահողերի բարելավման այնպիսի պիլոտային մոդել, որը հնարավորություն կտա վերականգնել հողատեսքերի նպատակային նշանակությունը, բարձրացնել դրանց շահագործումից ստացվող եկամուտը, ապահովել լրացուցիչ կերարտադրություն՝ շահառու համայնքներում ապահովելով տնտեսական, սոցիալական, էկոլոգիական արդյունքներ։ Ծրագրի շրջանակներում Շիրակի, Լոռու և Գեղարքունիքի մարզերում բարելավվել է 300 հա վարելահող և 100 հա արոտավայր։