Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ ՇԻՐԱԿԻ ՄԱՐԶՊԵՏ ՆԱԶԵԼԻ ԲԱՂԴԱՍԱՐՅԱՆԻ ՈՒՂԵՐՁԸ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՕՐՎԱ ԱՌԹԻՎ
10.11.2022
Շնորհավորում եմ Տեղական ինքնակառավարման օրվա առթիվ:
Մեր երկրում ժողովրդավարության զարգացման ճանապարհին տեղական ինքնակառավարման համակարգի ձևավորումը կարևոր քայլ էր։
Անցած 26 տարիների ընթացքում այս ոլորտում իրականացվել են բարեփոխումներ, որոնց գլխավոր նախապայմանը համայնքների համաչափ զարգացումն է եղել։ ՀՀ կառավարության ջանքերն այժմ ուղղված են մեր համայնքների զորեղացմանը և իրականացվող ծրագրերը հզոր համայնքներ ունենալուն են միտված։
Համայնքների հիմնահարցերի լուծման ճանապարհին կառավարություն-համայնք համագործակցության լավագույն օրինակներից կարելի է համարել սուբվենցիոն ծրագրերի իրականացումը, որոնց նպատակայնությունն ու առաջնայնությունը ձեր անմիջական պատասխանատվությունն է։
Մեր համատեղ աշխատանքով պետք է կարողանանք ամենահեռավոր համայնքը, հեռավոր բնակավայրը դարձնել ավելի զարգացած, քանզի պետությունն ուժեղ է, եթե ուժեղ համայնքներ ունի։
Խնդիրները շատ են, սակայն դրանց լուծման համար ձեռնարկվող քայլերն էլ չեն հապաղում, մնում է լինել առավել պատրաստակամ և միասնական աշխատանքով գնալ բարձրացված հարցերի լուծմանը։
Համայնքների հարգարժան ղեկավարներ, ավագանու անդամներ, համայնքային ծառայողներ, որքան բարդ, նույնքան պատվաբեր է ձեր աշխատանքը, ստանձնած պարտավորությունները լիարժեք կատարելու պատասխանատվություն ունեք և այդ գործում ձեզ հաջողություններ ու նախաձեռնողականություն եմ մաղթում։
