Շիրակի մարզպետի աշխատակազմ

 ՀՀ Շիրակի մարզպետարանում ամփոփվել են օլիմպիական մարզաձևերից և ոչ օլիմպիական՝ սամբո, ուշու և շախմատ մարզաձևերից 2022 թվականի աշխարհի և Եվրոպայի պաշտոնական առաջնություններին ՀՀ հավաքական թիմերի կազմերում հանդես եկած և մարզական բարձր ցուցանիշներ արձանագրած Շիրակի մարզիկների արդյունքները։
Շիրակցի 96 մարզիկներ մասնակցել են աշխարհի ու Եվրոպայի 41 առաջնությունների և նվաճել՝ 86 մեդալ, որից 36-ը ոսկի, 23-ը արծաթ և 27-ը բրոնզ։ Ընդհանուր մեդալներից 50-ը համարվում է «մեծ» մեդալ 20՝ ոսկի, 13՝ արծաթ և 17՝ բրոնզ։
Հայաստանի 2022 թվականի 10 լավագույն մարզիկներից 4-ը մեր մարզի ներկայացուցիչներն են՝ Արթուր Ալեքսանյան, Հովհաննես Բաչկով, Սամվել Գասպարյան և Վարազդատ Լալայան։
Մարզպետարանում կայացած քննարկումների արդյունքում որոշվեցին Շիրակի մարզի 2022 թվականի 10 լավագույն մարզիկները։