Շիրակի մարզպետի աշխատակազմ

Շիրակի մարզպետի տեղակալ Կարեն Մանուկյանը, մարզային իշխանությունների ներկայացուցիչների հետ, այսօր ներկա է գտնվել Շիրակի մարզպետարանի նախաձեռնությամբ 2022թվականի նոյեմբերի 17-ից 21-ը Գյումրիում իրականացված «Մինասի գույներով» երիտասարդ նկարիչների 9-րդ միջազգային պլեների շրջանակներում ստեղծված կտավների փակ ցուցադրությանը։
«Նկարիչները՝ հանուն բարեգործական ծրագրերի» խորագիրը կրող ցուցահանդեսը կազմակերպել էր «Արդինի» կրթամշակութային և տուրիզմի զարգացման հիմնադրամը: Ցուցադրությանը ներկայացված էին ոչ միայն միջազգային պլեների, այլև հիմնադրամի՝ Ջաջուռում օգոստոսին իրականացրած ծրագրի մասնակից գեղանկարիչների գործերը:
Միջոցառման ընթացքում ներկաները դիտել են «Մինասի գույներով» երիտասարդ նկարիչների 9-րդ միջազգային պլեների մասին պատմող ֆիլմը։