Շիրակի մարզպետի աշխատակազմ

«Գյումրիում 82-ամյա միայնակ կինն օգնություն է խնդրում» հրապարակմանն արձագանքելով՝ Շիրակի մարզպետի հանձնարարությամբ մարզպետարանի ոլորտային պատասխանատուները՝ սոցիալական ապահովության բաժնի մասնագիտական խումբը, այցելել են 205/276 հասցեում բնակվող 82-ամյա Ոսկեհատ Քուչիկյանին, մարզպետարանի աշխատանքային խմբին են միացել միասնական սոցիալական ծառայության Գյումրու տարածքային կենտրոնի մասնագետները։ Տնայցի ընթացքում կատարված անհրաժեշտ ուսումնասիրություններից հետո ձեռնարկվել են միջոցառումներ` միայնակ կնոջ հետագա խնամքը կազմակերպելու համար:
ՀՀ աշխատանքի և սոցիալական հարցերի նախարարության հետ անմիջական աշխատանքի արդյունքում 82-ամյա Ոսկեհատ Քուչիկյանը տեղափոխվելու է Գյումրու տարեցների շուրջօրյա խնամքի կենտրոն։