Շիրակի մարզպետի աշխատակազմ

 Շիրակի մարզպետ Մուշեղ Մուրադյանն այսօր հյուրընկալել է ՌԴ բնական գիտությունների ակադեմիայի և «Արարատ» միջազգային գիտությունների ակադեմիայի ակադեմիկոս, միջազգային տնտեսագիտության դոկտոր, պրոֆեսոր Արտաշես Միքայելյանին։ Պրոֆեսորը մարզպետին է նվիրել իր հեղինակած «Հայաստանի սոցիալ-տնտեսական զարգացման ռազմավարություն» գիրքը և անդրադառնալով աշխատությանը նշել է, որ կատարված աշխատանքի նպատակը Հայաստանի տնտեսական անկման կասեցումն է եղել և, իհարկե, հետագա զարգացումը: Հանդիպման ժամանակ Մուշեղ Մուրադյանն ու Արտաշես Միքայելյանը մտքեր են փոխանակել մարզի խնդիրներից, դրանց լուծմանը միտված նախաձեռնություններից և առաջիկայում իրականացվելիք ծրագրերից։