Շիրակի մարզպետի աշխատակազմ

 Շիրակի մարզպետ Մուշեղ Մուրադյանի մոտ այսօր տեղի է ունեցել խորհրդակցություն՝ «Վարժական հավաքներ հայտարարելու և դրա ապահովման համար ռազմատրանսպորտային պարտականություն ունեցող մարմինների տրանսպորտային միջոցները ներգրավելու մասին» ՀՀ կառավարության որոշմամբ հաստատված աշխատանքները քննարկելու նպատակով։
Խորհրդակցությանը մասնակցել են պաշտպանության և ուժային կառույցների պատասխանատուները, տարածքային կառավարման և տեղական ինքնակառավարման մարմինների ներկայացուցիչները։ Անդրադարձ է կատարվել պահեստազորի առաջին և երկրորդ կարգերում հաշվառված շարքային, ենթասպայական և սպայական կազմերի պահեստազորայինների վարժական հավաքների նախապատրաստական միջոցառումների ընթացքին։
Վարժական հավաքները ընթանալու են 6 փուլով՝ յուրաքանչյուրը 25 օր ժամկետով, նախկին եռամսյա կամ երկամսյա հավաքների փոխարեն, որից 14 օրը մարտական հերթապահության ընդգրկմամբ։