Շիրակի մարզպետի աշխատակազմ

 
Ջերմագին ողջույններս «Գյումրու միջազգային թատերական փառատոնի» մասնակիցներին ու կազմակերպիչներին։
Մշակութասեր ու մշակույթով շնչող Գյումրու համար, հիրավի, անհրաժեշտ նախաձեռնություն և իրադարձություն է փառատոնը, որը մեկտեղելու է երկու տասնյակից ավելի թատրոններ ու թատերախմբեր՝ մայրաքաղաքից, ՀՀ տարբեր մարզերից, Վրաստանից, Ռուսաստանից ու Եվրոպայից:
Փառատոնը նաև հնարավորություն կտա թատրոնով, արվեստով ապրող շիրակցիներին հաղորդակից դառնալու նոր ներկայացումներին, նոր գաղափարներին, իսկ արվեստագետների համար այն ևս մեկ առիթ կլինի՝ մեկտեղելու մտքերն ու ստեղծագործական գաղափարները, քննարկելու մոտեցումներն ու համատեղ նոր նախագծեր կյանքի կոչելու։
«Գյումրու միջազգային թատերական փառատոնը» համոզված եմ՝ դեռ երկար ու արգասաբեր ճանապարհ ունի անցնելու և Գյումրու մշակութային կյանքին առավել մեծ աշխուժություն է հաղորդելու։
Փառատոնին մաղթում եմ հաջողություններ և նորանոր ձեռքբերումներ։