Շիրակի մարզպետի աշխատակազմ

 Արամ Սարգսյանի անվան խաղերի մանկապատանեկան մարզադպրոցի մարզադահլիճում կայացել են ՀՀ կրթության, գիտության, մշակույթի և սպորտի նախարարության նախաձեռնած հանրակրթական դպրոցների 1-3-րդ դասարանների միջև «Սպորտլանդիա» մարզական միջոցառման հանրապետական եզրափակիչ փուլի մրցումները։
Միջոցառմանը մասնակցել են ՀՀ բոլոր մարզերը և քաղաքամայր Երևանը ներկայացնող թիմերը։ Համառ և անզիջում մրցապայքարում հաղթողի կոչումը նվաճել է Շիրակի մարզը ներկայացնող Գյումրու թիվ 30 հիմնական դպրոցի թիմը։
ՀՀ Կրթության, գիտության, մշակույթի և սպորտի նախարարության կողմից միջոցառման բոլոր մասնակիցները պարգևատրվել են մարզահագուստով և մարզագույքով, իսկ 1-ին, 2-րդ և 3-րդ տեղերը գրաված թիմերը` նաև գավաթներով ու մեդալներով։