Շիրակի մարզպետի աշխատակազմ

 ՀՀ համայնքների տնտեսական և սոցիալական ենթակառուցվածքների զարգացմանն ուղղված սուբվենցիայի հայտերի գնահատման միջգերատեսչական հանձնաժողովի կողմից հավանության է արժանացել 2023 թվականին Շիրակի մարզում իրականացվող ևս 6 ծրագիր՝ 19 ենթածրագրերով։
-Գյումրի համայնքի համայնքային 2 այգիների, 1 պուրակի բարեկարգման և 1 զբոսայգու կառուցման աշխատանքներ
-Գյումրի համայնքի կարիքների համար թվով 10 ավտոբուսների և 10 էլեկտրական ավտոբուսների ձեռքբերում
-Ախուրյան համայնքի թվով 10 բնակավայրերի մանկապարտեզների տարածքների բարեկարգում, կեղտաջրերի հեռացում, ջեռուցման համակարգերի տեղադրում
-Ախուրյան համայնքի Ախուրյան բնակավայրի մշակույթի տան շենքի վերանորոգման աշխատանքներ
-Անի համայնքի Իսահակյան և Շիրակավան բնակավայրերի մանկապարտեզների շենքերի նորոգում
-Ամասիա համայնքի Հողմիկ բնակավայրի մշակույթի տան վերանորոգում
Շիրակի մարզում 2023 թվականին սուբվենցիայի հայտերի գնահատման միջգերատեսչական հանձնաժողովի կողմից արդեն հավանության է արժանացել 26 ծրագիր՝ 107 ենթածրագրերով, որի ընդհանուր արժեքը կազմում է 7 մլրդ 464 մլն դրամ, իսկ 5 ծրագիր՝ 23 ենթածրագրով դեռևս քննարկման փուլում է։