Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ռուսաստանի Դաշնության հյուպատոսարանում տեղի է ունեցել տոնական միջոցառում՝ նվիրված Ռուսաստանի օրվան
16.06.2023
Ռուսաստանի Դաշնության հյուպատոսարանում այսօր տեղի է ունեցել տոնական միջոցառում՝ նվիրված Ռուսաստանի օրվան:
Միջոցառման մասնակիցներին Շիրակի մարզպետ Մուշեղ Մուրադյանի անունից ողջունել է մարզպետի տեղակալ Աննա Մարտիկյանը․ «Շիրակի մարզպետի և մարզպետի աշխատակազմի անունից շնորհավորում եմ ազգային տոնի՝ Ռուսաստանի օրվա առթիվ։ Սա տոն է, որը խորհրդանշում է հասարակության համախմբվածությունը, նրա պատրաստակամությունը պաշտպանելու երկրի շահերը, տոն է նրանց համար, ովքեր իսկապես սիրում են իրենց պետությունը և անտարբեր չեն նրա ապագայի նկատմամբ։ Վստահ եմ, որ Ռուսաստանի և Հայաստանի միջև ավանդական բարեկամական հարաբերությունները կշարունակեն ամրապնդվել։ Մաղթում եմ բոլորիդ քաջառողջություն, երջանկություն, բարեկեցություն»։
Նշենք, որ 1994 թվականից սկսած հունիսի 12-ը նշվում է որպես Ռուսաստանի օր:
