Շիրակի մարզպետի աշխատակազմ

 Հուլիսի 13-15-ը Հայաստանի շախմատի ակադեմիայի կողմից Շիրակի մարզի հանրակրթական դպրոցներում շախմատ առարկան դասավանդող ուսուցիչների համար Գյումրու թիվ 11 հիմնական դպրոցում կազմակերպվել են հերթական վերապատրաստման դասընթացները։ Դրանք իրականացնում են Երևանի Խ․ Աբովյանի անվան պետական մանկավարժական համալսարանի շախմատի և սպորտի ամբիոնի դոցենտ Սամվել Միսակյանը, նույն համալսարանի կրթության փորձագետ Սերոբ Խաչատրյանը և Շախմատի գիտահետազոտական ինստիտուտի գիտաշխատող Էմմա Կոստանյանը։
Հուլիսի 15-ին վերապատրաստման դասընթացներին կհաջորդեն որակավորման քննությունները, որոնց արդյունքների հիման վրա էլ ուսուցիչներին կտրվեն համապատասխան ժամկետներով շախմատ առարկան դասավանդելու իրավունքի վկայականներ։