Շիրակի մարզպետի աշխատակազմ

 ՀՀ Շիրակի մարզպետ Մուշեղ Մուրադյանի գլխավորությամբ այսօր անցկացվել է զորահավաքային նիստ, որի ժամանակ ուժային կառույցների, համայնքների, պատասխանատու ստորաբաժանումների ղեկավարների հետ քննարկվել են առաջիկայում կայանալիք վարժական հավաքների անցկացման կազմակերպչական հարցեր։
ՀՀ կառավարության որոշմամբ 2023 թվականի օգոստոսի 1-ից մինչև հոկտեմբերի 13-ը ներառյալ հայտարարվել են վարժական հավաքներ՝ պահեստազորի առաջին խմբի առաջին և երկրորդ կարգերում հաշվառված շարքային, ենթասպայական և սպայական կազմերի պահեստազորայինների ընդգրկմամբ։ Վարժական հավաքները ընթանալու են 6 փուլով՝ յուրաքանչյուրը 25 օր ժամկետով։
Մարզպետը պատասխանատուներին և համայնքների ղեկավարներին հորդորել է լինել առավել զգոն, պատրաստակամ և համագործակցված աշխատանքով ներկայացված առաջադրանքները կատարել առանց բացթողումների։