Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
«Միասնություն սպորտով» կարգախոսով Համահայկական 8-րդ ամառային խաղերի բացման հանդիսավոր արարողությանը մնացել են հաշված օրեր
31.07.2023
«Միասնություն սպորտով» կարգախոսով Համահայկական 8-րդ ամառային խաղերի բացման հանդիսավոր արարողությանը մնացել են հաշված օրեր։
Շիրակի մարզպետ Մուշեղ Մուրադյանի գլխավորությամբ այսօր մարզպետի աշխատակազմում անցկացվել է հերթական խորհրդակցությունն աշխատակազմի պատասխանատուների, ուժային կառույցների ներկայացուցիչների մասնակցությամբ։
Շիրակի մարզպետը նշել է, որ յուրաքանչյուր կառույցի կողմից նախանշված են սահմանված ժամանակացույցով իրականացնելու քայլերը․ «Հազարավոր մեր հայրենակիցներ աշխարհի տարբեր երկրներից կժամանեն Գյումրի և այս կարևոր իրադարձությանը մենք ամենայն պատասխանատվությամբ պետք է մոտենանք, հնարավորինս պետք է զերծ մնանք թերացումներից ու բացթողումներից»։
Խորհրդակցության ընթացքում քննարկվել են բարձրաստիճան հյուրերին դիմավորելու, ճանապարհների անվտանգ երթևեկության, հյուրերի տեղափոխման, արարողակարգային մի շարք հարցեր։
