Շիրակի մարզպետի աշխատակազմ

 Շիրակի մարզպետի աշխատակազմի առողջապահության և սոցիալական ոլորտի հարցերի վարչության պետի պարտականությունները կատարող Լեյլի Ասլանյանն այսօր հանդիպել է մարզում գործող հիվանդանոցների և պոլիկլինիկաների տնօրենների հետ: Հանդիպման ժամանակ քննարկվել են առողջապահության բնագավառի հիմնախնդիրներին առնչվող հարցեր, մասնավորապես, անդրադարձ է կատարվել բուժհաստատությունների մատուցած ծառայությունների որակին ու աշխատանքների արդյունավետությանը, ինչպես նաև առողջության առաջնային օղակի աշխատանքի օպերատիվությանն ու պատասխանատվությանը։
Լեյլի Ասլանյանը առողջապահության կազմակերպիչներին փոխանցել է մարզպետ Մուշեղ Մուրադյանի անմիջական հանձնարականը՝ աշխատանքում լինել առավել աչալուրջ և զգոն, հետևել կարգապահությանը։