Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Արթիկում քննարկվել է 2024թ-ի սուբվենցիոն ծրագրերի մշակման ընթացքը
23.08.2023
Շիրակի մարզպետի աշխատակազմի ոլորտային պատասխանատուներ ֆինանսական վարչության պետ Լիպարիտ Մարտիրոսյանը, տարածքային կառավարման և տեղական ինքնակառավարման հարցերի վարչության պետ Արամ Անտոնյանը, զարգացման ծրագրերի մշակման և իրականացման բաժնի պետ Կարեն Բադիշյանը Արթիկ համայնքի ղեկավար Անան Ոսկանյանի հրավերով այցելել են Արթիկ, որտեղ անցկացվել է աշխատանքային խորհրդակցություն։
Խորհրդակցության ընթացքում քննարկվել են Արթիկ համայնքի 2024 թվականին ներկայացվելիք սուբվենցիոն ծրագրերի ամբողջական փաթեթները։ Մարզպետի աշխատակազմի պատասխանատուները կարևորել են Արթիկ քաղաքի և բնակավայրերի համար նախատեսված սուբվենցիոն ծրագրերի համամասնության ճիշտ պահպանումը։ Հանդիպման ժամանակ անդրադարձ է կատարվել նաև համայնքի բյուջեի ֆոնդային մասին և վարչական մասի պահուստային հատվածին, սեփական եկամուտների կատարման ցուցանիշներին, ապառքներին։
Համայնքի ղեկավարը շնորհակալություն է հայտնել Շիրակի մարզպետի աշխատակազմի պատասխանատուներին աշխատանքային խորհրդակցությանը մասնակցելու, սուբվենցիոն ծրագրերի հայտերի վերաբերյալ մասնագիտական դիտարկումների և խորհրդատվության համար։
