Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ախուրյանում անցկացվել է ցուցադրական հատուկ տակտիկական ուսումնավարժություն
18.10.2023
Շիրակի մարզպետ Մուշեղ Մուրադյանի որոշմամբ Ախուրյանում այսօր անցկացվել է ցուցադրական հատուկ տակտիկական ուսումնավարժություն` «Երկրաշարժի հետևանքով փլուզված շենքում որոնողափրկարարական աշխատանքների կազմակերպումը հրդեհի օջախի առկայությամբ» թեմայով:
Մարզպետի որոշմամբ ուսումնավարժության ղեկավար է նշանակվել մարզպետի տեղակալ Ալբերտ Այվազյանը, ուսումնավարժության ղեկավարման շտաբի պետ՝ ՀՀ ՆԳՆ փրկարար ծառայության Շիրակի մարզային փրկարարական վարչության պետի տեղակալ Արսեն Ադամյանը, ուսումնավարժանքին ներկա է գտնվել նաև Ախուրյան համայնքի ղեկավար Զավեն Մանուկյանը:
Ուսումնավարժանքի նպատակն է ստուգել և կատարելագործել մասնակիցների հմտություններն ու ունակությունները, արձագանքող ուժերի պատրաստվածությունը, կատարելագործել համագործակցությունը կառավարման մարմինների, կազմակերպությունների միջև:
Ուսումնավարժության անցկացումը նախատեսված է Շիրակի մարզի արտակարգ իրավիճակներում բնակչության պաշտպանության և քաղաքացիական պաշտպանության համակարգերի նախապատրաստման 2023 թվականի հիմնական միջոցառումների պլանով:
