Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

ՀՀ վարչապետի տիկին Աննա Հակոբյանն այցելել է Շիրակի մարզ

16.12.2023

ՀՀ վարչապետի տիկին Աննա Հակոբյանը այցելել է Շիրակի մարզ։
Դստեր` Արփիի հետ, վարչապետի տիկինը եղել է «Ամասիայի մանկական արվեստի դպրոցում»։
Վարչապետի տիկնոջը դիմավորել են Շիրակի մարզպետի աշխատակազմի կրթության, մշակույթի և սպորտի վարչության պետ Հրայր Կարապետյանը, մարզպետի խորհրդական Լիլիթ Մուրադյանը, օգնական Անժելա Մաթոսյանը, աշխատակազմի պատասխանատուներ, դպրոցի տնօրեն Ջեմմա Մանուկյան։
Վարչապետի տիկինը ներկա է գտնվել դպրոցի նկարչական և ասեղնագործության բաժինների սաների ձեռքի աշխատանքների ցուցահանդեսին, որից հետո անցկացվել է «Մանուկները նկարում են խաղաղություն» թեմատիկայով նկարչական գործնական աշխատանք։
Շիրակի մարզպետի ողջույնի խոսքն է փոխանցել օգնական Անժելա Մաթոսյանը։
Այնուհետև հյուրերը ներկա են գտնվել դպրոցի սաների համերգին, որի ընթացքում հնչել են երաժշտական վոկալ-գործիքային կատարումներ, ցուցադրվել են պարային համարներ:
Համերգային ծրագրից հետո վարչապետի տիկինը շրջել է դպրոցում, ծանոթացել պայմաններին: Դպրոցի տնօրեն Ջեմմա Մանուկյանը ներկայացրել է նաև առաջիկա ծրագրերը:
Ամասիայի մանկական արվեստի դպրոցը հիմնադրվել է 1964 թվականին: Այժմ դպրոցը գործում է նոր վերանորոգված շենքում` ապահովված անհրաժեշտ գույքով և երաժշտական գործիքներով: Դպրոցն ունի շուրջ 130 աշակերտ, 5 երաժշտական, 3 արվեստի խմբեր: 

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-11-22 22:51:20