Շիրակի մարզպետի աշխատակազմ

 Ազգային անվտանգության մարմինների հարգելի՛ աշխատակիցներ,
Շնորհավորում եմ ձեզ մասնագիտական տոնի՝ Ազգային անվտանգության մարմինների աշխատողի օրվա առթիվ։
Մեր պետության կայացման անցած դժվար ու մարտահրավերներով լի ժամանակաշրջանում անքննելիորեն մեծ է Ազգային անվտանգության մարմինների դերն ու աշխատանքը։
Անվտանգության պահապանի կոչմանը հավատարիմ մնալով՝ շարունակում եք պատվով կատարել այդ վեհ առաքելությունը՝ զօր ու գիշեր աշխատելով ներքին և արտաքին անվտանգության ապահովման համար։
Չնայած այն ամենին, որ համակարգի առջև ծառացած խնդիրները ժամանակակից աշխարհում արագ փոփոխվում են, ի հայտ են գալիս նոր վտանգներ, որոնք հաղթահարելու համար պահանջվում է ամենօրյա կատարելագործում, սակայն այստեղ ևս արվում է հնարավորը արդի պահանջներին համապատասխան ծառայություն կազմակերպելու և բարդ ու պատասխանատու աշխատանքը իրականացնելու նպատակով։
Ուզում եմ առանձնահատուկ շնորհավորել Ազգային անվտանգության ծառայության Շիրակի մարզային վարչության աշխատակիցներին և վետերաններին՝ ծառայողական պարտականությունները կատարելիս ցուցաբերած օպերատիվ և արհեստավարժ աշխատանքի, նվիրումի համար։
Եվս մեկ անգամ շնորհավորելով օրվա առթիվ՝ բոլորիդ մաղթում եմ առողջություն, նոր ձեռքբերումներ՝ ի նպաստ Հայաստանի Հանրապետության անվտանգությունն ապահովելու վեհ գործի: